திருவுரு மாமலைமேற் செந்தமிழி லோர்நற்

குறவஞ்சி பாடிடக்கை கூப்பிப்-பெருவயிறன்

வேழ முகத்தன் விநாயகன் றன்னிருபொற்

றாளைப் பணிகுவாம் தாழ்ந்து.

தாழ்ந்தடி வணங்கு வார்க்குத் தண்ணருள் பொழியும் வேலன்

வாழ்ந்தருள் குறுக்குத் துறைமேல் வண்குற வஞ்சி யோத

ஆழ்ந்தநற் காத லோடு மவனருள் வேண்டி நிற்பின்

போந்தருள் செய்தி டானோ புனிதனம் முருகன் மாதோ.

மாதனையும் பங்கனொரு மால்விடையன றன்னின்

போதனையும் பாதமலர் போற்றியெழில் மஞ்ஞை

மீதனையும் வேலனுரு மாமலையின் குறுமே

ஓதநினைந் தேனெளியேற் குற்றுதுணை யாமே.

ஆகுஞ் செயல்க ளெவையாயு

பாகுந் தோற்கும் மொழியாளின்

வாகுஞ் சீருஞ் சேருருமா

போகு மெளியேற் கிடர்வருமோ

அருள்சேர் திருவுரு மாமலை மேற்குற மாக்கிடவே

மருள்சே ரெளியன் பெரிதும் விழைந்து மனந்துணிந்தேன்

பொருள்சேர் தமிழ்த்தாய் புதல்வ னெனக்கே பொழிந்திரங்கி

இருள்சே ரெனதகந் தங்கி யருள்வ ளெனநினைந்தே.

சங்கமுறு கூடலுறை யங்கயற்கண் ணம்மை

புங்கமுறு வண்புலவர் புகழ்தனையே பேசும்

துங்கமுறு ராசப்பச் சிங்கமிவர் போன்ற

மங்குலட ருங்குறுக்குத் துறைமீதிக் குறமே!

இப்பியுட் கிடந்த தென்றே இகழ்வரோ தரளந் தன்னை

அப்பிடைச் சேற்றி லாயு மம்புய மொதுக்கு வாரோ

துப்படர் வண்கு றுக்குத் துறையனின் சீரை யிந்நூல்

செப்பிய தாலே மேலோர் சிந்தையுட் கொள்வார் மாதோ.

தேவரிடர் தீர்த்தருளுந் திருவுருமா மலையன்

மேவுமிடர் நீக்கியொரு மூங்கையெனும் பிள்ளை

மாவலிமை யைப்புகழை வழுத்திடுமிந் நூலை

தாவமெது மின்றிநலங் கொண்டுபுவி வாழ்ந்து