நெஞ்சத்தைத் தூது நிகழ்த்தவெனில் அன்னதுநீள்

வஞ்சத்திற் றேர்ந்ததுவேல் மன்னனெதிர் - கொஞ்சத்தில்

சேராது சேர்ந்தாலும் செம்மை பெறநிலைமை

யோராது மேலோர்ந் துரையாது - சீராகக்

கந்தனுருக் காணிற் கரைந்தழிந்து தன்னிலைமை

சிந்திமறந் தென்குறையைச் செப்பாது - முந்திப்

பலகாலு மேகுகெனப் பன்னி முயன்றும்

விலகா முயற்சியினை விட்ட - தலகைநிகர்

வன்பொறிகள் செய்யு மயக்கா லூரணழிந்து

புன்செயலின் வீண்பொழுது போக்கிற்றால் - வன்பனைவாழ்

அன்றிலினை யுய்க்கி னதுதன் பெயர்மலையை

யன்றெறிந்த துண்ணினைந்தே யுஞ்சாதோ - அன்றியுநீள்

புல்லினத்தைச் சேர்ந்து புணர்ச்சிக்கே யுள்ளழியும்

ஒல்லுவதோ நாயகன்முன் னுய்ப்பதற்கே - மெல்லிறகின்

அன்னத்தை யேவி னதுதன்னை யாள்பிரமன்

முன்னத்த னாற்சிறையின் முன்னியதை - முன்னித்

திருமுன்னர்ச் செல்லாது செம்மையிலா வெள்ளை

பெருமான்முன் சென்றுணர்ந்து பேசா - தருமைமிகு

கிள்ளையனை யுய்த்தாற் கிளர்பூசை யென்னுமுயிர்

விள்ளுமுயர் கோயிலினுள் மேவுமோ - தெள்ளுதமிழ்

வண்ணப்பா வல்ல மலர்க்கையமர் பைங்கிளிமுன்

நண்ணத்தா னுள்ளத்தே நாணாதோ - எண்ணரிய

தத்தை வழிதண்ணிற் சாருந் திரும்பலரி

தத்தை யெணித்தத்தை யஃதென்பர் - நத்துமொரு

நாகணவாய் தன்னைவிடின் நண்ணுமோ சென்றுரைத்துப்

பாகணவாய்ச் சொல்லியர்கைப் பட்டிடுமே - யேகுகெனத்

தூதுண்டு வாழ்புறவைச் சொல்லுவதோ காரியத்திற்

றீதுண்டு பண்ணும்பின் தேரிடிற்க - போதியது

மாங்குயிலைப் போக்கவெனில் மாதா வுடன்செவிலி

தாங்கரிய கூக்குரல்யார் தாமகிழ்வர் - ஓங்குமறை

முன்னப்பட் டான்கண் முனியப்பட் டான்உடலம்

பின்னப்பட் டான்முன் பிடிபட்டே - பின்னலொடு

சின்னப்பட் டெம்மான் சினத்திற் படுமாவிற்

பின்னப் படும்பிகம்போய்ப் பேசுவதென் - இன்னிசைய

வண்டினையு மானினையும் வள்ளல்பாற் செல்கவெனில்

அண்டுபவோ வேங்கையுரு வானானை - மண்டுகுவைச்

செந்தமிழழச் செம்பொன்னைச் செப்பிவிடு வோமென்னில்

தந்தமுரை யும்பிறரே சாற்றுபவே - அந்தில்பல

பந்தப் படலும் படைத்தமையா லெம்முரையை

எந்த வகையி னெடுத்தியம்பும் - கந்தமிக

உண்டெனினும் வேற்றுமையு மல்வழியு மோர்வரிய

வண்டிறல்சேர் பஃறிரியும் வாய்ந்தனவே - மண்டுநறுந்

தென்ற லுனதெச்சிற் செங்கணரா வாயெச்சில்

நன்றலவே நாயகன்பா னாமுய்த்தல் - சென்றுவர

மேகத்தைத் தூண்டவெனில் வெய்ய விடிக்குரலும்

ஆகக் கறுப்பும்வா யங்காந்தால் - வேகத்தீக்

காலுதலு முண்டினிய காலமறி யாதழகு

சாலுமொரு பாடினிதான் சார்கவெனில் - மாலாகும்

கள்ளும் கடியுனும் காதலித்துண் பேதையரை

வள்ள லெதிர்விடுத்தல் மாண்பாமோ - எள்ளப்

படுமிவைகள் தூதிற்குப் பண்புடைய வல்ல

நடுவறிந்து தூது நவிலத் - திடமறிவு