வட்ட வடிவக வளைந்துநீ யாடுங்கால்

கட்டழகுக்குக் குள்ளங் கரையாரார் - இட்டமுடன்

நீல முகிலெழினி நேர்வீழ்த்தி நீடிக்கும்

கோல முளநெகிழ்க்கக் கோவிமையோர் - சாலமலர்க்

கண்மாரி பெய்வதனைக் காசினியோர் தேற்றாது

விண்மாரி யென்றே விளம்புவரால் - கண்ணுதலார்

தாமே நினக்கூப்புத் தாண்டவத்தில் ஈண்டுமெழில்

வாமே கலையார்கள் வாஞ்சித்துத் - தாமேக்கற்

றெத்தனைநாள் கற்றாலு மின்னங்கை வாராமல்

இத்தரையில் மெல்லியரென் றேசுற்றார் - மெத்துசினக்

காளிநட மாடியொரு காலெடுக்க மாட்டாமல்

வாளிமுகந் தாழ்த்தவையில் வைகினாள் - நீளிமயப்

பூம்பாவை நாடறியப் பொன்மன்ற மேறிடினும்

கூம்பாதெம் மானடமே கும்பிட்டுத் - தாம்பார்வை

வாங்காமல் நோக்கியினும் வைகினாந் தானடிக்கப்

பாங்கான வாற்றலினும் பற்றாமல் - பூங்கமலை

எய்யாமல் மாறிப்பல் இல்லந்தோ றாடியுமென்

செய்யா ளெனும்பெயரே சேர்ந்தாளால் ஒய்யாரத்

துன்னைப்போ லாட லுருற்ற முடியாமல்

அன்னத்தைப் போல்வெளுத்தா ளக்கலைமான் - நின்னேர்

நடையே பயின்றும் நடைகூ டாமல்

இடையே யரம்பை யிளைத்தாள் - தொடைவேலோன்

மேலாக நீவிளங்கும் மேம்பாட்டுக் கொப்பாக

மாலாக நாட்காலை மாலைதொறும் - மாலாழி

செங்கதிரை யோங்குந் திரைமேற் சுமந்தியலா

தங்கம்வெதுப் புற்றே யரற்றுமே - பங்கமிலா

மாதையன் மானாருன் சாயல்தாம் வாஞ்சித்தும்

பேதையரென் றெள்ளத்தான் பெற்றாரே - மேதைமிகு