புவனங் கடந்தோற் புடைத்துக் - கவலைமிகு

வன்சிறையி லிட்டதூஉ மாமுனிவன் வேள்விவரு

கொன்றகரை யூர்ந்தடக்கிக் கொண்டதூஉம் - பன்றியினைக்

கோட்டை முரித்துக் க்கை முரித்துக் குழகனுக்கன் றீந்ததூஉம்

கேட்டை மிகுகவுஞ்சஞ் செற்றதூஉம் - கோட்டுமத

மாமுகனை மாட்டியதூஉம் வஞ்சிங்கற் கொன்றதூஉம்

தீமைமிகு சூர்மார் சிதைத்ததூஉம் - ஆமிவைபோற்

சேவகங்க ளெல்லாம் தெரிந்தொருபா லேத்திவரத்

தேவர்துயர் தீரவரன் சேயாகி - வாவிதனில்

மாத ரறுவர் மகிழவிளை யாடியதூஉம்

தாதை மனங்குளிரத் தக்கமறை - யோதியதூஉங்

கும்ப முனிக்குக் குருவாக் கருளியதூஉம்

உம்பர் சிறையை ஒழித்ததூஉம் - இம்பர்

மலையிற் சிறைப்பட்ட மாப்புலவன் பாட்டிற்

குலையின் மெழுகா யுருகிக் - கொலைகருதும்

பூதத்தைக் கொன்று புலவனுயிர் காத்ததூஉம்

மாதத்தம் வெட்ட வளர்த்ததூஉம் - மேதக்க

கோழியினைப் பாடும்வாய் குஞ்சினைப்பா டாதென்று

பாழிமொழி சொன்னபெரும் பாவலன்வாய்க் - கேழில்வெண்

முட்டைக்கும் பாட்டு மொழிவித்தாட் கொண்டதூஉம்

சிட்டர் புகழுருணைத் தேசிகனை - மட்டற்ற

பேரருளா லாண்டு பிணிநீக்கி யின்பளித்துத்

தாரணியோ ருய்யவெனத் தன்புகழை - ஈரநறுந்

தேன்மாரி யுண்ணத் தெவிட்டாத புத்தமுது

போன்மாறி லாதுபுகல் வித்ததூஉம் - வான்மாரி

போல வரையாது போற்றுவார் யாவர்க்குஞ்

சால வருள்வழங்குந் தன்மையெலாம் - ஏல

எடுத்திசைத்துள் ளன்போ டொருபாலா ரேத்த

வடுத்தவரை யாதரிப்பான் வந்தான் - கடுக்கவின்ற

கண்டன் றிருமகனாங் கந்தன்வந் தான்மூவர்

அண்டர் முதல்வனா வான்வந்தான் - கொண்டல்வண்ணன்

சிந்தைக் கினிய திருமருகன் வந்தான்போர்

விந்தைக் கினிய விடலைவந்தான் - முந்துஞ்

சிவஞான பண்டிதனாம் செக்கர்வேள் வந்தான்

பவரோக நீக்குபவன் வந்தான் - தவறாமல்

இம்மையிலே முத்திநல மீந்தருள்வோன் வந்தானென்

சும்மைமிகு சின்னங்கள் சொல்லெடுப்ப - நல்லதவ

ஞானமுனி வோர்அமரர் நானிலத்தோ ரேனையரும்

வானமதி கண்டவலை வாரிதிபோல் - ஆனபே

ரானந்த வெள்ள மலைவீசி ஆர்ப்பெடுப்ப

ஆனந்த மாம்பழனி யாண்டவன் - ஆனந்த