முடியுடைய வேந்தரொரு மூவரினு முன்னாம்

தொடியுடைய தோட்சேரர்-தோன்றல் - கடிபொழில்சூழ்

தில்லைச்சிற் றம்பலத்துள் தேவர்பிரான் காற்சிலம்பின்

மல்லலொளி யார்ந்துமகிழ் வார்செவியான் - தொல்லுயிர்கள்

உள்ளங் கழறியவை யுள்ளபடி நன்குணர்ந்து

தெள்ளிமனு நீதிசெயுஞ் செங்கோலான் - வள்ளல்

முதலைவாய்ப் பாலனுயிர் மீட்டமுனைப் பாடி

முதலைவாய்ப் பண்பாக்கி மூவா - முதலார்வாழ்

அண்ணற் கயிலைக்கவ் வாளூர ரோடாடற்

பண்ணற் பரிமேற் படர்ந்துசுவை - உண்ணமுதல்

தெய்வவுலா வோதுபுகழ்ச் சேர னணிகொங்கில்

நய்தலிலா வைகாவூர் நாடதனில் - சய்யம்வளர்

மாதிவ ராக மலைவில்லி வாழ்நெடிய

ஆதிவ் ராகமலைக் கண்ணிதாய்ச் - சோதிமிக

வோங்குபசும் பொற்கிண்ண மொத்தமலர் மெத்தமலர்

கோங்குவனம் பச்சைக் கொடியுமையாள் - பாங்கிலுறை

தாவிளஞ்சே வேறி தனைநோக்கி நோற்றநறுங்

கூவிளஞ்சேர் தண்காடு கொண்டல்வண்ணன் - மேவியெனத்

தண்டுளவத் தார்மார்பிற் றாங்குகவென் றோங்குமவாக்

கொண்டுதிரு நோற்ற குளிர்பொழிலும் - அண்டருண

நல்லினிய வுண்டிவகை நல்குமெழிற் றேனுவுடன்

எல்லியவுள் நோற்றசுவை யேற்றமிகு - நெல்லிவளர்

சோலைநிறை சூழ்ந்திலங்கு தொன்னகரம் செந்நெல்சுவை

ஆலைநிறை யோங்கு மணிவயலும் - நீலநிறப்

பட்டுக் குடைகள் பலவுநிறுத் தாலொத்த

மட்டுப்பூம் பாளை மலிகமுகும் - நெட்டைமடற்

பொன்னங் குடம்பொதிந்தாற் போலமுதிர் நெற்றிளநீர்த்

தென்னம் பொழிலும் சினவேழத் - தின்கைமுகம்

காட்டுங் குலைக்கதலிக் காடும்தே மாம்பொழில்கள்

கூட்டங்கொண் டோங்குங் குராமருத - மீட்டளிகள்

பாடுஞ் செருந்திமகிழ் பாதிரிக டம்புவழை

தாடிமங் கூதாளம் தண்காயா - ஏடவிழுங்

கொன்றை குருந்தங் குருக்கத்தி சண்பகம்

மன்றல் மலிமவ்வல் மல்லிகை - துன்று

மருக்கொழுந்து பச்சை மலியவளர் பூங்காத்

திருக்கிளருந் தாமரைசேர் தெண்ணீர்ப் - பெருக்குமலி

வாவிகளு நாற்றிசையு மல்கிமணி மாடங்கள்

தூவியனஞ் சேக்கும்பல் சூளிகைகள் - நீவியணி

மாதரெழில் மைந்தர் மகிழு நிலாமுற்றம்

சோதிமணி மாடநிறை தொன்னகராம் - கோதில்

திருவாவி னன்குடியே செவ்வேட் பிரானுக்

கொருவா வுவகையுட னுற்ற - திருநகரென்

றான்றோர் பலரு மறையக்கேட் டேனுளத்தில்

தோன்றாத பேருவகை தோன்றியதால் - ஆன்றபிறப்

பெண்ணிலவை தம்மி லியற்றுந் தவப்பயனு

நண்ணியதா லூக்க நனியுந்தத் - திண்ணியபே

ராவலொடு மப்பதியை யண்ணினேன் முன்செய்த

தீவினைகள் தீர்ந்தவெனத் தேறினேன் - ஆவிக்

கிரவணமா மாசையொழித் தீடிலொளி யீயுஞ்

சரவணமாப் பொய்கைதனைச் சார்ந்து - பரவுந்தண்

பூம்புனலிற் றோய்ந்துவெண் பூதியணிந் தாறெழுத்துந்

தோம்பறியச் சிந்தித்துச் சுத்தியொடும் - பூம்புகர்சேர்

துங்கக் கரிமுகத்துத் தூமணியைத் தாள்பணிந்து

சங்கத் தமிழ்வளர்த்த சண்முகனை - யெங்குருவாம்

நீதானே கோதேது நேராத தீங்கனியாம்

வாதாநே ரிற்பவள வாய்முத்தென் - றோதும்

மருவாவி நன்குடிகொள் மாதேவன் சேயைத்

திருவாவி னன்குடியிற் சேவித் - துருகுமுளம்

சூழ்வந்து கும்பிட்டுத் தோத்திரித்துப் பேரின்பம்

மூழ்கி விடைபெற்று முன்னெமது - தாழ்குடியைக்