கேகயமே யுன்போலக் கேடில்லா மாதவமெவ்

யோகருக்கு மெய்துவதோ வொண்சுவைய - பாகுமொழி

மாலிமய வெற்பன் மடமயிலு முன்னுருவாய்

ஏலியம மாததவ மீங்கியற்றி - மேலினிய

சங்கரனார் பொங்கினருள் சார்ந்தனன்பின் னும்மவர்தம்

பங்ககலா மேலாம் பதம்பெற்றாள் - பொங்குமலர்ச்

சாகை பரப்பிநெடுந் தண்முகில்தூழ்ந் துன்வடிவ

மாகையொடுன் பேர்படைத்த வாதரவால் - மாகமுயர்

குன்றமெலாங் கோயிலாக் கொண்டான் குமரனுனை

யன்றி யவற்கினியார் யார்மயிலே - குன்றருவி

யார்ப்பப் நடந்தனைய யானை தகர்முதலாய்

போர்ப்பரிகள் பெற்றிருந்தும் புண்ணியன் - காப்பதற்கு

மெய்யன்பர் முன்னர்வரூம் வேளையெலா நின்மேலாக்

கையின்வடி வேலோடும் காட்சிதரும் - செய்ய

மணிநாவில் வேலு மயிலு மெனுஞ்சொற்

கிணையான மந்திரந்தா னேதோ - பணிவோடு

மாமுருகன் பேரை மறந்தாலு முன்பெயரைச்

சேமநினை வார்மறவார் செஞ்சொல்லின் - பாமகிழ்வா

லாடும் பரிவே லணிசேவ லென்றுருகிப்

பாடும் பணியிற் பணிக்கவென - நாடும்

அருணகிரி பாடும் அநுபூதி முன்னர்

வருமகிமை யுன்றனக்கே வாய்த்த - துருவாய்

அருவாய் உளதா யிலதான கந்தன்

குருவாகி வந்து குறைகள் - ஒருவிப்பேர்

அன்பருடன் நல்கிறு வாசைத் தொடரறுத்துப்

பின்பநு பூதி பெறுவித்த - துன்பெயரைக்

காதலுடன் பாடியதோர் காரணமே கேகயமே

ஓதலுள னுன்பெயர்நா னுள்ளுருகி - யாதலினால்

என்குறைக்கு நீயிரங்கி எம்மா னிடந்தூது

சென்றுவரல் வேண்டுமுனைச் சேர்ந்தோரை - என்றும்