வாழையடி வாழை எனவாழ் வழியடிமை

ஏழைத் தொழும்ப னிவனொருவன் - மோழமையாற்

குற்றமொரு கோடி குயிற்றிடினு நின்னடிக்குக்

குற்றங் குயிற்றக் குறித்தறியான் - கொற்றவனே

உன்னை யொழிய வொருவரையு நம்புகிலான்

பின்னை யொருவரையும் பின்செல்லான் - உன்னடியார்

பொன்னடிகட் கென்றும் பிழைசெய்யான் அன்னவர்கள்

சொன்ன பணிபுரியச் சோர்வடையான் - முன்னைப்

பரம்பொருளும் பல்லுயிரும் பண்ணும் வினையும்

நிரந்த கதிவகையு நேரார் - அறந்தைதரு

கூட்டத்துட் கால்வையான் கோதில்சரி யாதியிகழ்

ஏட்டைக் குறும்பர்குழு வெய்திடான் - வீட்டினைப்

பொன்னை மனையினைப் பொற்றொடியார் மொய்ம்முயக்கை

அன்னத்தை யாடை யணிகலனை - என்னவெனத்

தேடித் திரிந்து திரட்டித் தொகுத்துவைத்

தீடழியுந் தாம்பிரம மென்றுரைக்கும் - கேடர்மொழி

கொள்ளான் இரண்டொன்று கூறிக்கைக் குத்திடுவார்

நள்ளான் பொய்ஞ் ஞான நயந்திடான் - கள்ளமாய்த்

தன்னை மறைத்த தமமான வாணவமும்

கன்மத் தளையும் கழன்றுபெரும் - வன்மாயைப்

பேயைத் துரத்திப்பின் பேசா வநுபூதி

ஏயப் பெரிதுநசை யெய்தினான் - நீயான

ஞான விநோத நலமே விரும்பினான்

ஊனந் தவிர்த்தாளல் உன்கடன்காண் - தீனர்பால்

ஓங்குங் கருணை யுடையானே அவ்வடியான்

தீங்கெவையு மோர்பொருட்டாச் சிந்தைகொளேல் - ஈங்குவா

என்னடிமை நீயென் றிசைத்தவனை யாட்கொண்டுன்

பொன்னடிகள் சென்னிகூப் பூவாக்கி - முன்னை

வினைமாசு நீக்கியடி மெய்ஞ்ஞான மாக்கி

யெனதியான் எனுஞ்செருக் கின்றி - நினையே

யுணர்ந்துணர்ந் தெல்லா மொருங்கிமெய் யின்பம்

புணர்ந்து பிரிவு புணரா - திணங்குமலர்த்

தாடலைபோ லோவாத தத்துவசுத் தாத்துவித

நீடனுப வத்தி னிலைநிறுத்தி - யாடகத்தின்

மாடுமனை மக்கடமின் வாழ்வின் மயங்காமற்

கேடுவினை நல்குரவு கிட்டாமல் - ஏடவிழுங்

கூந்தலினார் காமக் குழயில்வீழ்ந் தாழாமல்

தீந்தமிழ்ப்பா விற்றுத் திரியாமல் - சேந்தநறின

தின்புகழ் நூலன்றி யேனைப்புன் னூலோதிப்

புன்பொழுது போக்காமற் பூசனையு - மன்புமிக

நல்லசெபஞ் சேடியி னாட்டமுத லாயநலம்

வல்லபெற வந்து வுறமருளி - யெல்லையில்பே

ரானந்த வீடு மவனுக் கருள்புரிக

ஆனந்த ரூபமுரு கையனே - ஊனமிலாச்

சித்தேசித் தேயாஞ் சதாசிவமே யென்றுரைத்துச்

சித்தேசன் நல்லருளைச் சேர்ப்பிக்கச் - சித்திரநீள்

தோகைக் குடைவிரித்துத் தோமில் நிழல்பரப்பிப்

பாகுமொழி யன்னையர்கள் பக்கமுற - வாகைபுனை

ஞானவடி வேல்வலக்கை நண்ணமுரு கேசனைப்

பானல்வாய் ஞானம் பரிமளிக்கும் - மோன

பரமகுரு நாதனைப் பண்ணவர்தம் கோவை

வரதனைமெய் யன்பர்தமை வாழ்த்தும் - விரதனை

மாணிக்க வண்ணனை வண்பவளத் தின்றிரளை

ஆணிக் கனகத்தை யாரொளியைப் - பேணுநரைப்

பேணிப் பிறப்பிறப்புப் பேராழி நீக்கியருள்

தோணியை முத்தியினைத் துய்க்கவிடும் ஏணியை

அன்பர்க் கிருநிதியை யாரமுதை யோர்புக்கண்

இன்பக் கரும்பி லெழுஞ்சாற்றைத் - துன்பமற

வேததரு மீது விளையு நறுந்தேனைத்

தீதகலு மெய்ஞ்ஞானத் தீங்கனியைச் - சோதி

யயில்வே லருட்பழனி யாண்டவனை யென்பால்

மயிலே விரைந்தழைத்து வா.