மாதர்நடை கற்ற மயூரமே - சீதவளம்

மிக்கமுகில் கண்டுவகை மேவித் தழைபரப்பிப்

பக்கமவிர் செக்கர்பொன் பச்சைமுதல் - மிக்கநிறம்

ஓங்கி யொளிவீச வொண்வா னகந்தழுவி

ஓங்குமரன் மேலிருக்க வுற்றழகு - தாங்கும்

நவிரமே நெய்யுந் நறும்புவு மின்றி

தவிரா தழகுதழை கூந்த - லவிருஞ்

சிகாவளமே யாண்மை சிதையாச் சிகண்டீ

சுகாரம்ப மாமினிய தோகாய் - ஓகரமே

சேர்ந்தாரைக் கொல்லாது தீப்புகையு மேவாது

சார்ந்தாரைக் காத்தளிக்கும் தண்சிகியே - வார்ந்தவிசை

யின்னரம்புக் கட்டி லியையாமற் பேரன்பர்

கின்னமுள தீர்த்தருளுங் கேதாரம் - வென்வேலின்

மின்னலெழச் சேவல் மிடற்றி னொலிமுழங்க

மன்னிய வானத்து வந்துநிறைந் - தின்னருளைக்

கந்தனெனு நன்மேகங் காலத்திற் பெய்வதனால்

பந்தமிகு பல்லுயிராம் பைங்கூழ்கள் - சந்ததமும்

கேடின்றி யோங்கச்செய் கேதார மேயெளியேன்

நாடும் பெருந்துணையே நாயகமே - வாடும்பன்