முருகன் App
சென்னைக் கந்தகோட்ட முருகப் பெருமான் கலம்பகம்
தண்டபாணி சுவாமிகள்
தழைச் சிறப்புரைத்தல்-தாய்கூற்று3 / 20
1காப்பு2மடக்கு3தழைச் சிறப்புரைத்தல்-தாய்கூற்று4கைக்கிளை (ஒருதலைக்காமம்) தலைவன் கூற்று5மேற்படித்துறை பாங்கனொடு பகர்தல்6ஊசல்7சம்பிரதம் (சாமர்த்தியம்)8ஊர்9மதங்கு10இரங்கல்11நெஞ்சுவிடு தூது12குறம் (குறத்தி குறிசொல்லுதல்)13மடக்கு14பாண்15கழிக்கண்வாய் புலம்பல்16காலம் கார்காலம்17பனிக்காலம் அறுசீர்18பள்ளு-தாழிசை 14 சீர்19திருமகள் முன்னிலை20நூற்பயன்
சென்னைக் கந்தகோட்ட முருகப் பெருமான் கலம்பகம் · தண்டபாணி சுவாமிகள்

தழைச் சிறப்புரைத்தல்-தாய்கூற்று

6அறுசீர் விருத்தம்✓
இயல்விரும்பும் சென்னைநகர்க் குமரன்அனுப்
பியதழைகை யேந்தும் மின்னாள்
அயலவருக்(கு) அஞ்சுகிலாள். மதிச்சூடா
தியதுயரும் ஆறிற் றென்றாள்
கயல்விழிநீர் உகுக்கில்லாள், கடம்பனுப்பில்
என்னாமோ? கலந்து மாரன்
செயலொழிக்கில் என்னாமோ? தெரிகிலேம்
சிலநாளில் தெரிய லாமே.
7மேற்படி விளக்கம் தாழிசை 12 சீர்✓
தெரியற் கடம்பும் தமிழும்அணி
திருத்தோள் ஈராறு(உ) டையபிரான்
சென்னை நகரில் இருந்தெனது
செல்விக் கனுப்பும் செழுந்தழையில்
எரியிற் சுடும்மா மதிகுளிர்க்கைக்(கு)
எழிற்கட் கருணைத் துளிசிறிதும்
இரவின் பொழுதைச் சுருக்குவதற்(கு)
ஏற்ற மருந்தும், இளங்கிள்ளைப்
பரிகட் டியதென் றலந்தேரோன்
பார்த்து வெருளும் பரி(சு)ஒன்றும்
பாலும் அ(ன்)னமும் கசப்பென்று
பகரா தருந்தச் செயும்பண்பும்
விரிபொற் புறு(ம்)முந் நீர்முதலா
விளங்கு மவற்றை யிகழாமல்
விரும்பும் நலமும் புகுந்திருந்த
விதமென் னெனநான் விளம்புவதே.
8எண்சீர் விருத்தம்✓
விளம்புவது தொண்டரொடு பின்வருங்கா ரியமே
வேண்டுவது செந்தமிழும் விரைமலிநீ பமுமே
சளம்படுதல் மானீன்ற மகள்ஒருத்தி யாலே
தனித்திருக்கை மாதவத்தோர் தம்மனப்பூ மிசையே
வளம்பெறநா டொறும்கொடுக்கை சித்தியு(ம்)முத் தியுமே
வாகனங்கள் மயில்ஆடு மதகரியென் பனவே
குளம்படுநீற் றணியுடையார் எந்நாளும் பெருகிக்
குலவுமெழிற் சென்னைநகர்க் குகன்செயல்கூ றிதே.
9இன்னிசை வெண்பா✓
அரிய சமயங்கள் அத்தனையும் போற்றும்
பெரிய குருபரனைப் பேசுங்கால் யாரும்
தெரிய மலைதோறும் சென்றுதினம் ஆடற்(கு)
உரியவனாம் சென்னைநக ரோன்.
10கட்டளைக் கலித்துறை✓
நகரங்கள் ஆயிரம் கண்டலுத் தேன்,இனி நானுன்நற்சீர்
பகரன்ப ரோடொர் இடத்தே யிருந்து பணியச்செய்(து)ஆள்!
சிகரங் குலாவும் மலைத்தெய்வ மே!அயிற் சேவகனே!
தகரஞ்ச முன்குகைத் தாய்சென்னை மாநகர்ச் சண்முகனே.
11கலிவிருத்தம்✓
சண்மு கத்துச் சரவணன் அல்லது
விண்மு கத்தொரு மெய்த்தெய்வம் உண்டெனில்,
கண்மு கத்(து)அய லாம்இது காண்மினோ
தெண்மு கப்புனற் சென்னையிற் செல்வரே.
முந்தையமடக்குஅடுத்தகைக்கிளை (ஒருதலைக்காமம்) தலைவன் கூற்று