முகமுந் திங்களு

ஸ்ரீ முருகக் கடவுள் அலங்காரபஞ்சகம்

எம் எஸ் சுந்தரேச ஐயர்

முகமுந் திங்களு21 / 22

1காப்பு 2பூவார் தடமல்கு 3பார்மிசை யதனிற்4மின்னிடை மாதர்5சண்முக னாசான்6கள்ளவிழ் பொதும்பரில்7மல்லலம் பாங்கரில்8உலக முவப்ப 9தானமுந் தருமமுந்10கள்ளவிழ் கொன்றையுங்11இருண்ட கூந்தல்12இல்லற மேவியும்13அடிமலர் விழுந்த 14அணங்குடை வானோ 15அவத்தினை யியற்றி 16நரனாய்ப் பிறந்து 17குன்றுகள் செறியுங்18தமனியப் பணிகள்19ஏருழுஞ் சாலி 20கேகயப் புள்ளுங்21முகமுந் திங்களு 22மலைதொறு மரகத

ஸ்ரீ முருகக் கடவுள் அலங்காரபஞ்சகம் · எம் எஸ் சுந்தரேச ஐயர்

93நேரிசை ஆசிரியப்பா✓

முகமுந் திங்களு மூக்குங் குமிழும்

நகையு முத்தும் நகிலமுஞ் சூதும்

இதழு முருக்கு மிடையுந் துடியுந்

தோளுங் கழையுந் தொடையு மரம்பையுங்

காலுந் தளிருங் கையுங் காந்தளும்

உறவு கொண்டாடு முறுப்புடை கொடிச்சியர்

துறவுடை யோருந் துயர்தனைக் கொள்ள

எழுவரை மிசையிருந் திழிதரு தோற்றம்

பொழில்தனை வேட்டு பூவர மகளிர்

இறங்குதல் மானும் புறஞ்சிறை குன்றத்

தருளொடு குடிகொண் டடியரைக் காக்கும்

பகவன் புகழையான் பாடக் கருதுதல்

அகல்கடற் றன்னை அங்கையால் நீந்தி

சேருவ னென்றொரு சிறுவன்

பாரி னிடத்துப் பகருதல் போன்மே.

94எழுசீராசிரிய விருத்தம்✓

போதுகொண் டுந்தன் பொன்னடி சாத்திப்

பரவிடு மன்பர்கள் தம்மை

மோதுறுங் கொடிய பிணிகளென் செய்யு

மூண்டெழு வினைகளென் செய்யும்

மாதர்க ளறுவ ரகமகிழ்ந் தீம்பா

லளித்ததை மடுத்தவன் போல

தாதுறு மலர்நிறை தடத்தினி லன்று

களித்திடு மமலையின் சேயே.

95சந்த விருத்தம்✓

ஏலங்கொ ளைம்பாலா ருறவாலே

ஏதம்பட் டுழலும்மிவ் வடியேனைக்

காலன்கண் டணுகாம லினிதாகக்

கார்மய்யில் மீதேவந் தருள்வாயே

வேல்கொண்டு வரைதன்னை எறிவோனே

வேதங்க ளுரைசெய்த கனிவாயா

சேலொன்று புனல்சூழும் வயலூரா

சேயென்றோர் நாமங்கொள் பெருமாளே.

96நேரிசை வெண்பா✓

பெற்றமுகந் தேறும் பெரியோ னருளியவோர்

வெற்றி நிணங்கமழும் வேலன்றாள்-பற்றுங்

கருத்துடையா ரல்லாலக் கன்மத்தா லாகுங்

கருத்துடையா ரிப்புவியிற் காண்.

97கட்டளைக் கலித்துறை✓

காமூரு மார்பில் கடம்பணி கொண்டு கரத்தினிலே

நாமூறு வேலினை வைத்தபி ராற்கிடம் நாகமென்று

கோமளச் சீய மெழிலியைச் சீறிக் குவட்டியையில்

ஏமுறப் பாய்ந்து யிடருறுஞ் சோலை எழில்மலையே.

முந்தையகேகயப் புள்ளுங்அடுத்தமலைதொறு மரகத