தெள்ளுதமி ழுக்குதவு சீலன்—துதி

செப்பும்அண்ணா மலைக்கனு கூலன்—வளர்

செழிய புகழ்விளைத்த

கழுகு மலைவளத்தைத் தேனே

சொல்லு வேனே.

வெள்ளிமலை ஒத்தபல மேடை—முடி

மீதினிலே கட்டுகொடி யாடை—அந்த

வெய்யவன்ந டத்திவரும்

துய்யஇர தப்பரியும் விலகும்

படி இலகும்

வீதிதொறும் ஆதிமறை வேதம்—சிவ

வேதியர்கள் ஓதுசாம கீதம்—அதை

மின்னுமலர்க் காவதனில்

துன்னுபடப் பூவையுடன் விள்ளும்

கிள்ளைப் புள்ளும்.

சீதளமு கிற்குவமை கூறும்—நிறச்

சிந்துரங்கள் சிந்துமதத் தாறும்—உயிர்ச்

சித்திரம்தி கர்த்தமின்னா்

குத்துமுலைக் குங்குமச்செஞ் சேறும்

காதம் நாறும்.

நித்தநித்த மும்கணவ ரோடும்—காம

நேசத்தால்பி ணங்கிமனம் வாடும்—கரு

நீலவிழி யார்வெறுத்த

கோலமணி மாலைரத்னம் நெருங்கும்

எந்த மருங்கும்.

கத்துகடல் ஒத்தகடை வீதி—முன்பு

கட்டுதர ளப்பந்தலின் சோதி—எங்கும்

காட்டுவதால் ஈரிரண்டு

கோட்டுமத யானையிற்பல் களிறும்

நிறம் வெளிறும்.

முத்தமிழ்சேர் வித்வசனக் கூட்டம்—கலை

முற்றிலும்உ ணர்ந்திடும்கொண் டாட்டம்—நெஞ்சில்

முன்னுகின்ற போதுதோறும்

தென்மலையில் மேவுகுறு

அச்சம் முனிக்கும்

செனிக்கும்.

எத்திசையும் போற்றமரர் ஊரும்—அதில்

இந்திரன் கொலுவிருக்கும் சீரும்—மெச்சும்

இந்தநக ரந்தனைஅ

டைந்தவர்க் கதுவும்வெறுத் திருக்கும்

அரு வருக்கும்

துள்ளியெழும் வெள்ளியலை அடங்கும்—படி

சுற்றிலும் வளைந்தஅகழ்க் கிடங்கும்—பல

சொன்னமலை போல்மதிலும்

மின்னுவதி னாலேபுகழ் தோன்றும்

லோகம் மூன்றும்.

கள்ளவிழ் கடப்பமலர் வாகன்—குறக்

கன்னியை அணைக்கும்அதி மோகன்—வளர்

கழுகு மலைநகரின்

வளம்முழுமையும் நாவில்அடங் காதே

மட மாதே.