சீர்வளர்ப சுந்தோகை மயிலான்—வள்ளி

செவ்விதழ்அல் லாதினிய தெள்ளமுதம் அயிலான்

போர்வளர்த டங்கையுறு மயிலான்—விமல

பொன்னடியை இன்னல்அற உன்னுதல்செய் வாமே.

குஞ்சரவ ணங்காவல் வீடா—தபடி

கொஞ்சிமரு வும்சரசு ரஞ்சிதவி சேடா

பைஞ்சரவ ணங்காவல் வீடா—வளரும்

பாலன்என மாலையொடு காலைநினை வாமே.

வல்லவுணர் வழியாதும் விட்டு—வெருள

வன்சமர்செய் கந்தனிடம் வழியடிமைப் பட்டு

நல்லவுணர் வழியாது மட்டு—மிஞ்சும்

ஞானபர மானந்த மோனம் அடை வாமே.

ஒருதந்த மாதங்க முகத்தான்—மகிழ

உத்தமக னிட்டன்என உற்றிடும் மகத்தான்

வருதந்த மாதங்க முகத்தான்—எவரும்

வாழ்த்துகுக நாயகனை ஏத்துதல்செய் வாமே.