கன்னல் சூழ்பழ னம்புடை சூழ்கழு

காச லந்தனில் வாழ்பிரா தாபனே—கன

வாசம் எங்கும் கமழ்கின்ற நீபனே—வளர்

காத லோடிரு போதி லும்பல

போதி னால்பணி வார்ம னத்துறை

காரி ருட்குவை நீக்கிய தீபனே—அதி

சூர பத்மனைத் தாக்கிய கோபனே.

சென்னி மாநகர் வாழும்அண் ணாமலை

செப்பு செந்தமி ழுக்கதி நேசனே—சிவ

சுப்ர மண்யன்எ னும்பிர காசனே—கொடுஞ்

சிந்தை நைந்துபு லம்பி நின்திரு

மந்தி ரந்தனில் வந்த டைந்துனைச்

சேவிக் குங்குணம் என்றனக் காகுமோ—மிகு

பாவிக் கும்துயர் எப்படிப் போகுமோ.

வந்த வர்க்குப் பழம்புளிங் காடியே

தந்தி டச்சகி யார்தமைத் தேடியே—பிர

பந்தம் எத்தனை எத்தனை கோடியே—குலை

வாழை யின்பழ மோக னிந்திடும்

மாழை யின்கனி யோஎ னும்படி

மதுரி தம்பெற வேநிதம் பாடியே—பரி

செதுவும் இங்குப்பெ றாதுளம் வாடியே.

வெந்த ரைக்குள் வெடிப்பிலைட் பாலையே

சிந்து பித்தரைப் போல்வெறு வேலையே—செய்யும்

வீணன் நான்விளங் கும்தண்டைக் காலையே—எந்த

வேளை யும்துதி கூற வும்துயர்

நீளும் வெம்பவம் மாற வும்பரி

வில்வ வேணிசேர் தற்பர வாலையே—தரும்

செல்வ மேஎனும் கற்பகச் சோலையே.