பாதி ராத்திரி வேளை யில்வீட்டுப்

பக்கத் தில் வந்து மேவி—பஞ்ச

பாத கன்ஒரு பாவி—சிறு

பாவை யைமெள்ளக் கூவி—கையைப்

பற்றிக் கூட்டிக்கொண் டேகி னான்பதை

பதைக்கு தேஎன்றன் ஆவி.

சோத னைப்பிர கார மாய்எனைத்

தொடர்ந்த தேபெருந் தோஷம்—எவர்

சூதி னால்வந்த மோசம்—இனித்

தொலையு மோபிள்ளைப் பாசம்—இதைச்

சுற்றத் தார்அறிந் தால்எ னக்குமுன்

சொல்வ ரேபரி காசம்.

தேன்இ லங்கிய காவ னம்திகழ்

சென்னி மாநகர் வாசன்—துதி

செய்அண் ணாமலைத் தாசன்—செப்பும்

செந்த மிழ்க்கருள் நேசன்—நாளும்

சிந்த னைசெயும் தொண்டர் தீவினை

தீர்த்தி டும்முரு கேசன்.

நானி லம்புகழ் கழுகு மாமலை

நாயகன்பாண்டி நாட்டில்—நெஞ்சில்

நாணம் விட்டுத்தன் பாட்டில்—வெப்பம்

நண்ணி யபாலைக் காட்டில்—மகள்

நடக்க வேண்டிமுன் அடக்க மாய்த்தெய்வம்

லபித்த தோமண்டை ஓட்டில்

மையல் கொண்டொரு பையல் பின்செல்ல

வயது மீறின மாதோ—இந்த

மார்க்கம் தோன்றின தேதோ—சென்ம

வாச னைப்பலன் ஈதோ—ஐயோ

மாதம் பத்துஞ்சு மந்து பெற்றஎன்

வயிறு தான்எரி யாதோ.

செய்ய பஞ்சணை யும்பொ றாது

சிவந்து கொப்பளம் ஆகும்—நெரிஞ்

சிப்ப ழம்என்று நோகும்—அவள்

சீர டிரெண்டும் வேகும்—படி

தீயும் கானலில் காயும் வேனிலாம்

தீயில் எப்படிப் போகும்.

தேடி னும்கிடை யாத தாகிய

திரவி யக்கரு வூலம்—போலே

செனித்த பெண்ணுக்குச் சீலம்—வேறே

திரும்பி னதென்ன காலம்—கொங்கை

திரண்டி டாமுன்னம் மருண்டி டற்கெவன்

செய்தா னோஇந்த்ர ஜாலம்.

காடு சேர்கையில் கரடி வேங்கைகள்

காட்டு மேஆர வாரம்—அதைக்

காதில் கேட்டுவி சாரம்—வைத்துக்

கலங்கு வாள்அந்த நேரம்—என்றன்

காத லிதன்னை ஆத ரித்துயிர்

காப்ப துவேலன் பாரம்.