தலைவனைக் கலந்த தலைவி பாங்கிக்குக் கூறுதல்

1✓

செந்தில் மாநக ரந்தனில் மேவிய

தேசிக னாம்முரு கேசன்—மயில்

வாசியில் ஏறும்உல் லாசன்—சிறு

திங்க ளும்பண சங்க மாசுண

மும்து லங்கிய கங்கை யாறொடு

செஞ்ச டாடவி மீதணி வார்செவி

சேரமுன் ஓதுப தேசன்—அடி

யார்தமை ஆள்விக வாசன்.

2✓

எந்த நேரமும் வந்தனை செய்திடி

எண்ணும்அண் ணாமலைத் தாசன்—துதி

பண்ணும்மெய்ஞ் ஞானவி லாசன்—என்னோடு

இந்தெ ழுந்துத யங்கு மாலையில்

வந்து வண்டுமு ழங்கு சோலையில்

இன்ப சாகரம் ஆகிய லீலைகள்

அன்புட னேசெய்தான் மானே—அந்தச்

சம்பிரமம் என்னசொல் வேனே.

3✓

மங்கை மார்பல ரும்புடை சூழ்தர

மாமலர் கொய்திடச் சென்றேன்—அங்கோர்

பூமரத் தேதனி நின்றேன்—சந்த்ர

மண்ட லங்களை வென்ற ஆனனம்

ஐந்தொ டொன்றும்மி குந்து வார்மது

வண்ட லோடுக டம்பெனும் ஆரமும்

வாரமும் தோன்றிடச் சேர்ந்தான்—என்றன்

ஏரும் பார்த் தேகளி கூர்ந்தான்.

4✓

பங்க யாசன மேலுறை நான்முகப்

பாதக னும்மலர்க் கைதான்—கொண்டுன்

சோதியை எப்படிச் செய்தான்?—அடி

பஞ்சு ரஞ்சினும் அஞ்சு சீரடி

கொஞ்சு ரஞ்சித வஞ்சி யேபுவி

பட்டு நீநிலை நிற்கஒண் ணாதென்று

பன்மலர் மெத்தைஒன் றிட்டான்—பின்பு

மென்மலர் எந்தன்கை தொட்டான்.