குறம்

முருகன் App

குன்றக்குடியில் கோயில் கொண்டுள்ள முருகப் பெருமான் கலம்பகம்

தண்டபாணி சுவாமிகள்

குறம்17 / 25

குன்றக்குடியில் கோயில் கொண்டுள்ள முருகப் பெருமான் கலம்பகம் · தண்டபாணி சுவாமிகள்

73அறுசீர்த் தாழிசை✓

வாரண கேதனந் தோய மன்னுகுன் றக்குடிக் கோவிற்

காரணன் றன்புயம் சேரக் காதல்மி குத்திடும் அம்மே

ஆரண மும்புகழ் நீபம் அஞ்சுகம் தந்திடும் நாளை

நாரணன் றன்மகள் போலும் நல்ல குறக்கொடி நானே.

74எண்சீர்ச்சந்தம்✓

நானு ரைத்திடும் இந்தக்குறி நாளை மெய்ப்படும் நம்பித்தெரி

ஏனு னக்கிப்படி வம்பிற்றுயர் ஏழுநெற் கைகள் ஒன்றிட்டது

வானும் ஒப்பறு குன்றக்குடி வாழ்சி வந்தஉ டம்புக்குகன்

வேணு னிக்கிணையு யும்கட்கொடி வேண மட்டும்இ ரங்கிக்கொடே.

75நேரிசை வெண்பா✓

இரங்கிக் கொடாதவர்பால் ஏற்கவென என்றன்

சிரந்தொட் டெழுதியவன் செங்கை-பரம்புமங்கட்

குன்றக் குடிக்குன்றாட் கோமலரிற் சீரியதோ

என்றற்(கு) உயிரனையா ளே.

76கட்டளைக் கலித்துறை✓

ஆளாகிக் குன்றக் குடித்தலத் தேகி அறுமுகன்பொற்

றோளா றிரண்டினும் செந்தமிழ்ப் பாமலர் சூட்டினல்லால்

கோளாகும் ஒன்பதுக் கஞ்சாத் திறலும் குலவுதுங்க

வாளான கண்ணினர்க்(கு) ஏங்கா நலமும் வருவதின்றே.

77கலிநிலைத்துறை✓

வருவாய் மனக்கோயில் வாழ்வாய் இருப்பாய் வரங்களெல்லாம்

தருவாய் எனப்பாடும் முனிவோர் களுக்குமோர் தாழ்வெய்துமோ

குருவாகி அரசாகி அன்னையாய்த் தந்தையாய்க் குலதெய்வமாய்த்

திருவாழ்வு குன்றாத குன்றக் குடிக்குள்வளர் செவ்வேலனே.

78மறம் அறுசீர்✓

செவ்வேலன் மருவுகுன்றக் குடித்தலத்து மறவரெனச்

சிறிதும் அஞ்சா(து)

இவ்வேளை யிங்குவந்து பெண்கேட்ட தூதனே

இறைக்கஞ் சேம்யாம்

தெவ்வேதந் தவிர்க்குமெங்கள் கரம்கால்கொள் இறைக்கெல்லாம்

திறல்சேர் உம்கோன்

மைவேற்கண் மகளிர்கொள்ள வல்லோம்காண் கடிதுவந்த

வழிபார்ட் பாயே.

79எழுசீர்✓

வழியலா வழியைச் சதமெனக் கருதும்

மனிதர்போல் மாதர்மேல் மயலாம்

இழிவையே விரும்பிப் பெரிதுநெஞ் சயரும்

இன்னல்தீர்த் தருள்புரிந் தாள்வாய்

பொழிதருங் கருணை விழிகள்ஈ ராறும்

பொறிஉமிழ் கண்கள் ஓராறும்

பழியுறாக் குன்றக் குடித்தலத்(து) அலர்த்திப்

பவனிவந் தருளும்எம் பரனே.

80கலிவிருத்தம்✓

பரவை யீனிய பாவைய ரும்புணர்

குரவு தோய்தரு குன்றக் குடிக்குகன்

பரவி நாடுமெய்ப் பத்தர்தம் பால்அருட்

குரவ னாகிக் குலாவுவ துண்மையே.

முந்தையமதங்கம்அடுத்தஊசல்