தழை

குன்றக்குடியில் கோயில் கொண்டுள்ள முருகப் பெருமான் கலம்பகம்

தண்டபாணி சுவாமிகள்

தழை15 / 25

குன்றக்குடியில் கோயில் கொண்டுள்ள முருகப் பெருமான் கலம்பகம் · தண்டபாணி சுவாமிகள்

67கட்டளைக் கலித்துறை✓

குக்குடந் தாங்குகைச் செவ்வேலன் குன்றக் குடித்தலத்தான்

குக்குடந் தான்விண்ணு ளார்தருப் பூந்தழை கோதைநல்லாட்

குக்குடந் தானெனும் கொங்கைகள் மீறின, கூர்ப்பிலர்வாழ்க்

குக்குடந் தாள்சுவைத் தீம்புக ழாகிக் குளிர்ந்தனவே.

68கொச்சகக்கலிப்பா✓

தனங்கிடக்கு மார்பகத்தார் தமக்குருகிப் பொருள்தேடும்

மனங்கிடக்குந் தூயவர்பால் வருந்திஇரந் தலையேனால்

முனங்கிடக்கு மூவினையும் முறுக்கியெனைப் புரந்தருள்வாய்

கனங்கிடக்கப் பொழில்சூழும் கவின்குன்றக் குடிப்பரனே.

69அறுசீர் விருத்தம்✓

பரந்தவான் கலையுணர்ந்த பாவலவர்

பனுவலையும் பழைக்குந் தீயர்

உரந்தவா(து) உயர்வதுகண்(டு) அலமந்தேன்

திருவருள்சற் றுதவி ஆள்வாய்

கிரந்தவாச் சியமறையும் தமிழ்த்துதியும்

முறைமுறையே கிளத்து வோர்க்குச்

சுரந்தஆ ரமு்தருத்தும் தாயெனக்குன்

றக்குடியிற் றுலங்கும் சேயே.