சம்பிரதம்

குன்றக்குடியில் கோயில் கொண்டுள்ள முருகப் பெருமான் கலம்பகம்

தண்டபாணி சுவாமிகள்

சம்பிரதம்21 / 25

குன்றக்குடியில் கோயில் கொண்டுள்ள முருகப் பெருமான் கலம்பகம் · தண்டபாணி சுவாமிகள்

89அறுசீர்க் கழிநெடில்✓

ஓர்கரத்தில் எழுகடலை அடக்குவேள்

இரதம்உண்பேன் உயர்ந்த நாகத்

தார்களிப்புற் றணிகுவேன், இவையெல்லாம்

வித்தையென்று தரணி சொன்னால்

கூர்கதிக்கும் தனிவேற்கைப் பெருமானை

இணையில்குன்றக் குடியிற் கண்டு

சூர்களத்திற் படப்பொருத விளையாட்டைத்

தமிழ்க்கவியாற் றுதிசெய் வேனே.

90அறுசீர்✓

செய்ய பூமகள் மருவுகுன் றக்குடிச்

சிவகுரு நாதன்றான்

வெய்ய சூர்முதல் தடிந்தில னாமெனில்

விளங்குமுத் தொழிலெங்கே?

ஐய ராமவர் வாழ்க்கையெங் கே?மறை

அந்தணர் மகம்எங்கே?

மெய்ய தாமென அவரவர் விரும்புந்நூல்

விதிகள்எங் கேபோமே.

91கலிவிருத்தம்✓

போம தாசலப் புங்கவன் பின்வரு

கோம ளாரகக் குன்றக் குடிக்குகன்

தாம மாலையும் தண்டமிழ் மாலையும்

காம நோயைக் கவலையை நீக்குமே.

92கொச்சகக் கலிப்பா✓

நீக்கரிதாம் இருவினையும் நீறுபடப் பன்னீரின்

ஆக்கமிகும் பச்சிலையில் அமைத்தவெண்ணீ றளித்தருள்வாய்!

சேக்கனகக் கிரிநாணத் திகழ்ந்தகுன்றக் குடிக்கிரிமேல்

ஊக்கமிகுந் தனிவேல்கொண் டொளிர்குமரப் பெருமானே.