வண்டு விடுதூது

குன்றக்குடியில் கோயில் கொண்டுள்ள முருகப் பெருமான் கலம்பகம்

தண்டபாணி சுவாமிகள்

வண்டு விடுதூது7 / 25

குன்றக்குடியில் கோயில் கொண்டுள்ள முருகப் பெருமான் கலம்பகம் · தண்டபாணி சுவாமிகள்

51சவலை வெண்பா✓

மாதரெல்லாம் என்னை மதிக்கஇன்னே வண்டினங்காள்!

கோதறு சீர்க்குன் றக்குடிக் குகன்பால்

ஆதரவோ டென்துயரம் அத்தனையும் சொல்லிஅவன்

சீதமலர் ஈயச் செயும்.

52கட்டளைக் கலித்துறை✓

செய்யவள் போற்றும்நம் குன்றக் குடியிற் சிவகுருவாம்

மெய்யனைச் சண்முகத் பெம்மானைச் செங்கதிர் வேலவனை

ஐயமு றாத மனத்தாற் கருதும் அடியவர்மேல்

எய்யவும் வல்லவ னோ?மல ரோனுக்(கு) இளையவனே.

53கலி விருத்தம்✓

இளமை நீங்குருங் குமரனைக் கனல்விழி இலங்கும்

குளம்ஓ ராறுடைக் குரவனைக் குளிர்புனற் பணைசூழ்

வளமை மேவுகுன் றக்குடிப் புலவனை வழுத்தார்

களவு றாமனம் பெறுவது கதையினுங் கதையே.