மதங்கம்

குன்றக்குடியில் கோயில் கொண்டுள்ள முருகப் பெருமான் கலம்பகம்

தண்டபாணி சுவாமிகள்

மதங்கம்16 / 25

குன்றக்குடியில் கோயில் கொண்டுள்ள முருகப் பெருமான் கலம்பகம் · தண்டபாணி சுவாமிகள்

70கலிவிருத்தம்✓

சேய மாமுகம் ஆறுடைச் சிவனெனத் திகழும்

தூய வேலனை இலங்குகுன் றக்குடித் துரைஎன்(று)

ஏய நாடொறும் இசையொடு துதிக்கும்இம் மதங்கி

மாய வாள்விழிக் கணைதொடிற் பிழைப்ப(து)யார் மன்னோ.

71அறுசீர்✓

மன்னுமா முகங்கள் ஆறும் மலர்விழித் தொகைமூ ஆறும்

மின்னுசெந் துவர்வாய் ஆறும் வியன்குழைச் செவியீ ராறும்

பன்னுமற் றுளவும் தோகைப் பரிமிசை குலவத் தோன்றிக்

கொன்னுறு பொழில்சூழ் குன்றக் குடிக்குசுகன் ஆள்வ தென்றே.

72வெண்டளைக் கலிப்பா✓

என்றும் அழிவற் றிருக்கும் பெரும்பேறு

குன்றுஞுயர் குன்றக் குடிக்குகவேள் ஈயினல்லால்

துன்று புலனடக்கித் தூயநிலை சேர்துமெனப்

பொன்றுமட்டும் நாடிப் புலர்ந்திடினும் வாராதே.