துன்னுமலை நாடுமந்தச் சோணாடுங் கீழ்படவே

பன்னுதமி ழாலுயர்ந்த பாண்டிவள நன்னாட்டில்

நன்னருறுந் தென்னாரி நாடும்வட வாரிநன்னா(டு)

என்னும் இருநாட் டினியவளஞ் சொல்வேனே.

மலரி லாரளி இந்துளம் பாடும்

சலச வாவியிற் செங்கயல் பாயும்

குலமின் னார்மழை பெய்யெனப் பெய்யும்

புலவர் போற்றுந் திருமலைச் சேவகன்

வளருங் காவில் முகில்தொகை ஏறும்-பொன்

குளிரும் மஞ்ஞையுங் கொண்டலுங் காக்கும்-செங்

இளமின் னார்பொன் னரங்கில் நடிக்கும்-முத்

அளியுலாங் கொன்றை சூடுங் குற்றாலத்-தென்

களம ராலை கொழித்துத் தறிக்கும்

விளரி நாதம் பிரமரம் பாடும்-கை

வளர்கு மாரர்கள் கல்வி படிக்கும்

அளவி லாண்மைத் திருமலை முத்தையன்

அமுதம் போலமின் னார்வள்ளை பாடும்

குமுத மாமுகை பாம்பென ஆடும்

கமநி லாநித் திலங்கைக்குக் காட்டும்

உமைம னாளன்ஞற் றாலநன் னாயகன்