நாற்று வளர்ந்தே நடப்பருவம் வாருமெனத்

தோற்றும் படிகுடும்பன் சொன்ன மொழிக்கிசைந்தே

ஆற்றலுறும் பண்ணையான் அன்பாக நல்லடியார்

போற்றுக்குகன் பண்பைப் புரவில்ஆள் ஏவினனே.

குறித்த அக்ரம சூர னுடலை

அறுத்த விக்ரம வேலி னான்

குவளை வாவித் திருமலைக் குகன்

வளமைப் பண்ணைப் புரவிலே

மறித்த ஆடும் பசுவும் நிரக்க

நிறுத்துத் தரிசை யடித்தபின்

செறுத்த புனலை யுடைத்துக் குழப்பித்

திருந்த வலவ னடியையுந்

பறித்த நாற்றை நாலு திசையுங்

குறித்து நோக்கிக் கும்பிட்டே

செந்தில் ஏரகந் திருப்ப ரங்கிரி

எந்தை காவித் திருமலைத்

மந்தி முகத்து மாடியும் - அவள்

மருமகள் நெட்டைச் சூடியும்

சந்தியும் பொத்தைக் குந்தியும் மொட்டைச்

சடைச்சியும் பிச்சி உடைச்சியும்

நந்தியும் முடச் சுந்தியும் - கரு

நாக்கியுந் தொந்தி மூக்கியும்

குடப்பால் முலைகள் குலுகுலுங்கக்

குழவி யிடுக்கிப் போவாராம்

படப்பால் தோற்பைத் தனம்புரளப்

பற்போம் வாய்மென் றுடன்செலுவார்

இடப்பாற் கரத்தை இடுப்பினில்வைத்(து)

எடுப்பாய்ப் பேசி இறுமாந்து

நடப்பார் சரசஞ் சொலிச்சிரிப்பார்

நாற்று நடப்போம் பள்ளியரே.