சேலளையும் வளவயலில் ஏர்நடத்துங் காலம்

செறிந்தகுளங் காலணைகள் சீர்படுத்துங் காலம்

சாலிவிதை தொளிகலக்கிப் பாவுதெளி காலம்

சனங்கள் அதி காலமெழுந் தாளேவுங் காலம்.

காற்புரவுங் குளப்புரவும் பயிரேற்றுங் காலம்

கரும்பரம்பைப் பருவம்பார்த் திதம்பூரியுங் காலம்

நாற்புவியில் இரண்டுசெய்யுஞ் சீர்படுத்துங் காலம்

நமக்கிரண்டு செயுங்குடும்பன் முளைத்தகலி காலம்.

தனியருக்குக் குடியுமவன் தனக்கிரண்டு குடியும்

தனிக்குறும்பு எண்ணிலவன் நமக்குவளை வானோ

அனமிருக்கும் வயற்பண்பைப் பதிமூத்த பள்ளி

அல்லவழிப் பள்ளன்வரச் சொல்லடி நீயே.

நாம்பால் இருக்க மேம்பருந்தி

நடப்பால் வதைக்குஞ் சஞ்சிதநோய்

சோம்பால் மெலிந்தோம் நமரங்காள்

தொழும்பா லுயலாம் தொழுவாரீர்

காம்பா லெனுந்தோள் அதரநறுங்

கரும்பார் அமுதக் களபமுலைத்

தீம்பால் அயின்றான் திருமலையே

தென்பாற் கயிலை மலையாமே.