கோபந் தணிந் திரங்குவீர் - நயினாரே

கோபந் தணிந் திரங்குவீர்.

கோபந் தணிந்திரங்கிக் குடும்பனை விடும்விடும்

கொத்தடி யானுடன் இத்தனை யேன் (கோபம்)

1. அடித்திடும் மரத்தொடுங் கிடக்கவோர்தடுக்கோ

அடிக்கடி பனிக்குளிர் நடுக்கிலும் நடுக்கோ

பிடித்துண்ணக் கொடுப்பவர் ஒருத்தருமில்லையே

பிழைப்பதெப் படிப்பள்ளன் வருத்தமோர்மலையே.

2. உழைத்திடும் அடிமையைக் கெடுத்திடும்சிறையே

உரத்தடித் தடித்தர வணைப்பது முறையே

மழைக்குப சரித்தெவர் பெயச்சொல்லு வாரே

மரத்தடித் திருஞ்சிறை விடச்சொல்லுவீரே.(கோ)

3. எடுத்திடும் பிறவியின் குருட்டுடன் நீரே

இளநீரின் குழம்பிட வோநயி னாரே

குடித்திடும் வெறிப்பள்ளன் குணங்குணமாமோ

குணத்தினுக் கவிழ்சதங் கொடுத்திட லாமோ

4. வாளெடுத் தோங்கிப்பின் புறங்கொண்டு வீசி

மருட்டுவ தல்லது வர்மங்கள் பேசி

நாளினைச் செலவிடில் குறைநமக் கலவோ

நமக்குப சாரங்கள் நானின்று சொலவோ. (கோ)

5. உமக்கடி யான்சற்றுஞ் சலுகையைக் கண்டோ

ஒளித்தோடிப் போங்கள வெங்களுக்குண்டோ

சுமக்கிற எருதுக்குத் துள்ளவுங் கடனே

சுடச்சொல்லு வீர்கார்யங் கெடுப்பதுந் திடனே.

6. வம்பிநன் னகர்ப்பள்ளி பேச்சையுங் கேளான்

வயலுமும் வேலைக்கு மலைத்திடுந் தோளான்

நம்பிய குடும்பன்செய் பிழைபொறுப் பீரே

நான்பிணை நான்பிணை நான்நயி னாரே. (கோபம்)