வெற்றிதனைச் சேவலுமே விளக்கிக் கூவ

நற்றவத்தார் செய்தபல நற்ற வத்தால்

நெற்றிக்கண் ணனார்பெற்ற திருக்கு மாரன்

உற்றதிரு கயிலாயம் நோக்கிச் செல்லும்

வெற்றிதனை உரைப்பதற்கு விரைந்து செல்லும்

உற்றஅன்பு வீரபாகு தலைமை தாங்க

பெற்றபிள்ளை வருவதனை உணர்ந்த பெற்றோர்

உற்றுஉற்று நல்வரவு பார்க்க லானார்

இமயகிரி அருகில்வர என்ஐ கந்தர்

உமையம்மை யும்எழுந்தே எதிர்கொண் டேயி

தமதுமார் போடணைத்து மகிழ்ந்தார் இந்தத்

தமையனை அணைத்தாரைங் கரத்து வள்ளல்

பற்றுறுத்த அம்மையப்பர் பற்று வைத்தார்

பெற்றெடுத்த பெருநிதியம் மீதே! அங்கே

நற்றவத்தோர் வானுலகோர் பார்த்தோர் எல்லாம்

உற்றஒரு கலியுகத்தைக் காக்க வந்த

சூரனைஐ யன்மாய்த்த அவ்வி டத்தில்

வீரமுடன் சீரலைகள் விளம்பும்அந்த

தாரணிந்த மார்பனன வானோர் வேண்ட

யாரங்கே தொழுதாலும் அங்கே தோன்றும்

ஆறுபடை வீட்டினுள்ளே இரண்டாம் வீடாய்

ஆறுமுக வள்ளலுமே செந்தில் தன்னில்

மாறின்றி உவகையிலே மகிழ்க வென்றே!

சீரலைகள் திருமுருகன் புகழைப் பாடும்